Tokom proteklog vikenda, u Podgorici u prelijepom ambijentu Njegoševog parka, održana je četvrta po redu manifestacija posvećena našim najstarijim - Senior fest 2025. - "Generacije za generacije".
Organizatori Senior Fest-a su Institut Montenegro Education, u partnerstvu sa Glavnim gradom, državnim institucijama, kao i društvenoodgovornim kompanijama koje baštine brigu o najstarijima.
Naši korisnici, u pratnji zaposlenih učestvovali su u ovoj lijepoj i značajnoj manifestaciji. Turnir u šahu, pikadu, izlaganje rukotvorina nastalih u Domu, sportske aktivnosti, modne revije i nastupi poznatih muzičkih grupa, pozitvna atmosfera i lijepo druženje obilježili su još jednu manifestaciju posvećenu pripadnicima treće dobi.
Organizatorima upućujemo čestitke na više nego dobroj organizaciji, i zahvalnost da i naši korisnici uzmu učešća na ovako lijepom događaju.