Dana 23.12.2025.godine naši zaposleni, na čelu sa v.d direktorice mr Jelenom Banjević, prisustvovali su posebno lijepom događaju. U JU Dječji dom "Mladost" Bijela održana je tradicionalna manifestacija "Dan otvorenih vrata".
Tim povodom, naši zaposleni su prikupili određen iznos novčanih sredstava, i od istih kupili odjeću, posteljine, edukativne i društvene igre. Zaposlene u našoj kuhinjskoj službi, i ovoga puta, posebno su se potrudile, i uz svakodnevni ogroman posao spremanja obroka našim korisnicima, napravile domaću tortu, kojoj su se mališani ove Ustanove naročito obradovali.
Osim kolega koji rade u Dječjem domu "Mladost" posebno su nas dočekala djeca koja su tamo smještena. Ti veliki-mali domaćini, njihovi zagrljaji, osmjesi, novogodišnje čestitke koje su uručili svim gostima, njihova razdraganost na sve prisutne ostavili su poseban i neizbrisiv osjećaj. Ono što nas je posebno dirnulo jeste njihova nesebičnost i želja da sve podijele kako sa nama gostima, tako i međusobno.
Neki vas događaji i osobe naročito ganu, ostave posebno emotivne uspomene za čitav život. Posjeta Dječjem domu je definitvno jedna od takvih.
Zahvalnost upućujemo kolegama zaposlenim u ovoj Ustanovi, na čelu sa direktoricom g-đom Marelom Savić, na pozivu da prisustvujemo jednom ovakvom događaju.
