U ime budućih korisnika i zaposlenih JU Dom starih „Nikšić“ izražavamo veliku zahvalnost gospođi Miroslavki Miri Krivokapić na velikodušnoj donaciji i iskazanom senzibilitetu prema starim osobama. Gospođa Mira je donirala dvije prelijepe sadnice sobnog cvijeća kako bi našim korisnicima uljepšala ambijent u kojem će boraviti. Svaka donacija je korisna i vrijedna, i to ne samo zbog njene materijalne vrijednosti, već što se Doma i korisnika sjete dobri ljudi, čija humanost može poslužiti i drugima za primjer. Ovaj humani gest, pažnja i saosjećanje sa našim budućim korisnicima je posebna vrijednost za nas. Naša ustanova njeguje punu otvorenost i spremnost za svaki vid saradnje koji doprinosi kvalitetnijem životu starih osoba.
Uvažavanje i razumijevanje starijih osoba temelj je svakog razvijenog društva, zato im pokažimo koliko nam znače i brinimo o njima.